• Registration

ስፖርታዊ ዉድድሩ በአስራ አምስት ክበባትና ማህበራት መካከል በእጅ ኳስ ፣በእግር ኳስና በመረብ ኳስ ከህዳር 22 አስከ ጥር 10/2011 .ም ይካሄዳል፡፡

አመታዊ ውድድሩ ለኢትዮጵያ ከፍተኛ ትምህርት ተቋማት ዓመታዊ የስፖርት ውድድር ዩኒቨርሲቲውን የሚወክሉ ተጫዋቾችን ለመለየትም ያግዛል ተብሏል፡፡

ዉድድሩን በንግግር የከፈቱት የወልቂጤ ዩኒቨርሲቲ አስተዳደር ልማት ኮርፖሬት ማኔጅመንት ምክትል ፕሬዝዳንት ወ/ሮ ገነት ወልዴ እንደተናገሩት ውድድሩ ከመማር ማስተማር ጎን ለጎን ተማሪዎች የመቻቻል ፣ በጋራ አብሮ የመኖርና ተነጋግሮ የመግባባት ባህልን በማዳበር ሊከሰቱ የሚችሉ ችግሮችን ቀድሞ ለመለየትና ለመፍታት ያግዛል ብለዋል፡፡

ህብረተሰቡ  ከከፍተኛ የትምህርት ተቋማት ተማሪዎች የሚጠብቀውን መልካም ስብዕናና  አርአያነት በስፖርት ዉድድሩም ሆነ ከስፖርቱ ዉጪ ባሉ ማህበራዊ ግንኙነቶቻቸዉ በተግባር ሊያሳዩት እንደሚገባ ተናግረዋል፡፡

የ2011ዓ.ም የትምህርት ዘመን ሰላማዊ የመማር ማስተማር ሂደት እንዲኖር ለማስቻል ከነባር እና አዳዲስ ተማሪዎች አንዲሁም ከመምህራንና አስተዳደር ሰራተኞች ጋር ዉይይት መደረጉን የተናገሩት ምክትል ፕሬዚዳንቷ ስፖርት  ሰላምን ለመስበክ የሚረዳ አይነተኛ መሳሪያ በመሆኑ ተወዳዳሪዎችም ሆኑ መላዉ የዩኒቨርሲቲዉ ማህበረሰብ በመቻቻልና አብሮ የመኖር እሴቶችን በማጎልበት ዉድድሩን ሰላማዊ በሆነ መልኩ መጠናቀቅ ይኖርበታል ሲሉ አሳስበዋል፡፡

የዩኒቨርሲቲው የተማሪዎች ህብረት የስፖርትና መዝናኛ ዘርፍ ተጠሪ ተማሪ ሱራፌል ሰለሞን በበኩሉ በክበባትና ማህበራት መካከል የሚካሄደዉ አመታዊ የስፖርት ዉድድር ክበባቱ በግቢዉ ዉስጥ ከሚሰጡት አገልግሎት በተጨማሪ ስፖርታዊ ዉድድሮችን በማዘጋጀት ክበባቱን በማስተዋወቅ ሌሎች ተማሪዎች ተሳታፊ እንዲሆኑ ያግዛል ብሏል፡፡                 

ተማሪ ሱራፍል አክሎም ተማሪዎች ራሳቸዉን ከተለያዩ ልማዶች በማቀብ የመጡበትን አላማ ከግብ ለማድረስ እንደሚያግዝ ገልጾ በግቢ ውስጥ በርካታ ስፖርታዊ ውድድሮች በማዘጋጀት ተማሪዎች እንዲያዝናኑና ጤናቸውን እንዲጠብቁ ለማድረግ እንደሚያግዝም ተናግሯል፡፡

በተቋሙ የስፖርት ማዘውተሪያ እጥረት ያለ በመሆኑ የዩኒቨርሲቲዉ አስተዳደር አካላት ትኩረት ሊሰጡት ይገባል ሲል መልእክቱን አስተላልፏል፡፡                   

በእለቱ በተደረጉ የመክፈቻ ጨዋታዎች ወልቂጤ ክላስተር ከእንስሳት እርባታ ማህበር 6ለ0  ኤሌክትሪካል ምህንድስና ከሸጋ ፌስት ክበብ ያደረጉት ጨዋታ 2ለ0 የተጠናቀቀ ሲሆን ሲቪል ምህንድስና ከተማሪዎች ህብረት ጋር ያደረጉት ጨዋታ ዘጠና ደቂቃዉ በአንድ አቻ በማለቁ ህብረቱ በፍፁም ቅጣት ምት 5ለ3 በሆነ ዉጤት አሸናፊ ሆኗል፡፤ እሁድ በተደረጉ ጨዋታዎች ችባንዳ ከአቻ ለአቻ 2ለ0  ተጠናቋል፡፡ ቀሪ ጨዋታዎች በቀጣይም ቅዳሜና እሁድ እንደሚካሄዱ ለማወቅ ተችሏል፡፡

                                                                                                                                      ዘገባው የወልቂጤ ዩኒቨርሲቲ የህዝብና አለም አቀፍ ግንኙነት ነው!!

Copyright © 2018. Wolkite University. Designed by Wolkite University ICT

Login Form

Register