• Registration

ውድድሩ ለተማሪዎች የመዝናኛ አማራጭ ከመሆን ባለፈ በመካከላቸው ተግባቦትንና መቀራረብን የፈጠረ ሆኖ ማለፉ ተነግፘል ፡፡

በውድድሩ ተገኝተው ንግግር ያደረጉት የአስተዳደር ልማት ምክትል ፕሬዘዳንት ወ/ሮ ገነት ወልዴ እንደተናገሩት  በዩኒቨርሲቲው ውስጥ የሚካሄዱ ስፖርታዊ ውድድሮች ማህበራዊ ፋይዳቸው ከፍተኛ በመሆኑ ሌሎች ውድድሮችን በማዘጋጀት የግቢውን ማህበረሰብ ተሳታፊ በማድረግ ለአንድአይነት አላማና ግብ እንዲቆሙ በማድርግ የጋራ ለውጥና እድገት ሊያመጣ ይቻላል ብለዋል፡፡

ውድድሩ የውስጥ ውድድር ቢሆንም በስፖርት ሜዳዎች ላይ የሚከሰቱ አለመግባባቶችና ግጭቶች ሳይከሰቱ ተማሪዎች በፍጹም ጨዋነት  በማጠናቀቃቸው በምሳሌነት ሊታይ ይችላል ያሉት ሃላፊዋ ስፖርት የመቻቻል የፍቅርና የሰላም መሳሪያነቱን  ለመተግበር ከተጀመረበት ቀን አንስቶ እስከ መጠናቀቂያው ድረስ የተማሪዎች ህብረት እንዲሁም የግቢው የጥበቃ አባላት ላደረጉት አስተዋጽዎ ምስጋና አቅርበዋል ፡፡

የውድድሩ አዘጋጅ የሆነው በዩኒቨርሲቲው የስፖርትና መዝናኛ ክፍል ባለሙያ ተስፋዪ መኮንን በበኩሉ ውድድሩን የተሳካ ለማድረግ ምቹ የእግር ኳስ መጫወቻ ሜዳ ለመጠቀም በተደረገው ጥረት በዩኒቨርሲቲው ግቢ ውስጥ በመገንባት ላይ ያለውን የእግር ኳስ ሜዳ ከክፍሉ ሰራተኞ እና ከተማሪ ህብረቶች ጋር በጋራ በመሆን ለጫወታ ዝግጁ በማደረግ ለተጫዋቾችም ይሁን ለተመልካቾች ምቹ ሁኔታን ለመፍጠር ጥረት መደረጉን ገልጻል ፡፡

ይሁን እንጂ የእግር ኳስ እና ሌሎች የግባዐት እጥረቶች  ቢቀረፉ ውድድሩን በተሻለ መልኩ ማዘጋጀት እንደሚቻል ገለልጸው የዳኞች  ያለመናበብና የተጫዋቾች ሰዓት ያለማክበር ችግሮች መደገም አይኖርባቸውም ሲሉ አሳስበዋል፡፡

በእለቱ በተደረጉ የፍጻሜ ጨዋታዎች በእግር ኳስ ተማሪዎች ህብረት ከኤል ፎርጂ ተጫውተው ተማሪዎች ህብረት 1 ለ 0 አሸናፊ ሲሆን በእጅ ኳስ የተገናኙት ኢንቫይሮመንታል እና ተማሪዎች ህብረት ከጫወታ ብልጫ ጋር  ኢንቫይሮመንታል 18 ለ 4 አሸናፊ ሆኗል እንዲሁም በመረብ  ኳስ ሰላም ፎረም ከወለወቂጤ ክላስተር ተጫውተው ሰላም ፎረም 3 ለ 1 ያሸነፈ ሲሆን ለእግር ኳስ አሸናፊ 2 ሺበር እና የዋንጫ ተሸላሚ ሲሆን ለመረብ ኳስ እና እጅ ኳስ አሸናፊዎች ለያንዳንዳቸው አንድ አንድ ሺ ብር እና ዋንጫ ተበርክቶላቸዋል ፡፡

በውድድሩ ሶስት ጎሎችን በማሰቆጠር ኮከብ ጎል አግቢ የሆነው የክላስሩ አሸናፊ ጳውሎስ የ5 መቶ ብር ተሸላሚ መሆኑ ታውቋል፡፡

ዘገባው የወልቂጤ ዩኒቨርሲቲ የህዝብና አለም አቀፍ ግንኙነት ነው!!

  

Copyright © 2019. Wolkite University. Designed by Wolkite University ICT

Login Form

Register