• Registration

ጥር 18/2011:- ወልቂጤ ዩኒቨርሲቲ ከ1ኛ እስከ 5ኛ ክፍል በመማር ላይ የሚገኙት የማህበረሰብ ት/ቤት ህጻናት ተማሪዎቹን በተከበሩት የአለም ሎሬት ጸጋዬ ገ/መድህን አላማ ሥር ሰብስቦ ውሏል::

 በዕለቱ የቲአትር ጥበባት ዲፓርትመንት ከማህበረሰብ አገልግሎት ዳይሬክቶሬት ጋር በመተባበር ለዩኒቨርስቲው ህጻናት ተማሪዎቸ አንድ ፕሮግራም አዘጋጅተው ነበር። አላማው ህጻናቱን እያዝናኑ በማስተማር ላይ ያተኮረ ነበር። ለዚህም ለህጻናት በሚመጥን ደረጃ የተዘጋጁ ሁለት አጫጭር ድራማዎች ቀርበዋል።

 የመጀመሪያው ርእስ "ሶስቱ ምክሮች" ሲሆን ሁለተኛው ደግሞ "ሰላምና ልጆች" በሚል ርእስ ቀርቧል። የሁለቱም ድራማዎች ይዘት አዝናኝ በሆነ መልኩ ደግነትን፣ መከባበርን፣ ፍቅርን፣ መተሳሰብን የሚያስተምሩ ነበሩ።

 የድራማዎቹ ደራሲና አዘጋጅ መምህር አቡሌ ደበበና የማህበረሰብ አገልግሎት ዳይሬክተር አቶ ክፍሌ ለንቲሮ  ህጻናት በስነምግባር የታነጹ ዜጎች ሆነው እንዲወጡ ዩኒቨርሲቲው ያሉትን አማራጮች ሁሉ በመጠቀም ጥረት ማድረጉን ይቀጥላል ብለዋል።  ህጻናቱ የሎሬትን ስም እየጠቀሱ ሲያወሩና በዚያ አርቆ አላሚው ምስል ስር ሆነው ፎቶግራፍ እየተነሱ ሲዝናኑ ውለዋል ።

Copyright © 2019. Wolkite University. Designed by Wolkite University ICT

Login Form

Register