• Registration

 

ወልቂጤ ዩኒቨርሲቲ የተሳተፈበት 9ኛው አለም አቀፍ የእውቀት ሽግግር መረብ /Global Knowledge Exchange Network/ ኮንፈረንስ ‹‹ ለትምህርት ትኩረት መስጠትና ምርምር ለሀገር ግንባታ ›› በሚል መሪ ቃል በአዲስ አበባ ተካሄደ፡፡

የሳይንስና ከፍተኛ ትምህርት ሚኒስቴር ሚንስትር ፕሮፌሠር ሂሩት ወልደማርያም በኮንፈረንሱ መክፈቻ እንደገለፁት በሀገሪቱ የሚገኙ የመንግስትና የግል ከፍተኛ የትምህርት ተቋማት በተለያየ ዘርፎች ከአንድ ሚሊየን በላይ ተማሪዎችን በእውቀት፣ ክህሎትና አመለካከት የማብቃት ስራ በመስራት ላይ የሚገኙ ሲሆን ተቋማቱን በተለያየ ዘርፍ የልህቀት ማዕከላት ለማድረግ የተቀናጀ ስራ ሊሰራ ይገባል ብለዋል፡፡

በውጭ ሀገራት የሚኖሩ ኢትዮጵያዊ ምሁራንና ተመራማሪዎች የሀገሪቱን ፍላጎት መሰረት ያደረገ የአቅም ግንባታ ስራዎች በመስራት የሠለጠነ የሰው ሃይል በማፍራት በኩል የተጠናከረ ስራ እየሰሩ መሆኑን የገለፁት ሚንስትሯ በእውቀት ሽግግርና በጥናትና ምርምር ስራዎች ማሻሻል ላይ የጀመሩትን ተግባር አጠናክረው መቀጠል እንዳለባቸው አሳስበዋል፡፡

የአለም አቀፍ የእውቀት ሽግግር መረብ /Global Knowledge Exchange Network/ ዳይሬክተር ፕሮፌሠር አማረ ደስታ በበኩላቸው ተቋማቸው ከ2010 እንደ አውሮፓውያን አቆጣጠር ጀምሮ የኢትዮጵያ ዲያስፖራ እና ሌሎች የውጭ ሀገራት ምሁራንና ተመራማሪዎችን በማቀናጀት በኢትዮጵያ የትምህርት ጥራት እና የጥናትና ምርምር ስራዎችን ለማሻሻል የተለያዩ ተግባራት እያከናወነ መሆኑን ተናግረዋል፡፡

በሀገሪቱ ችግር ፈቺና ተመራማሪ ትውልድ ለማፍራት የአቅም ግንባታና የእውቀት ሽግግር ስራዎችን እየሰሩ መሆኑን የጠቆሙት ዳይሬክተሩ በቀጣይም የከፍተኛ የትምህርት ተቋማት መምህራን አቅምን በማሳደግ በሀገሪቱ ዘለቄታዊ ልማት ላይ የተቀናጀ ስራ እንደሚሰሩ ገልፀዋል፡፡

የኮንፈረንሱ ተሳታፊዎች በሠጡት አስተያያት በኮንፈረንሱ የተለያየ ልምድና እውቀት እንደቀሰሙበትና በቀጣይ የተሻለ ስራ ለመስራት የሚያስችል ግብዓትና ክህሎት እንዳገኙበት ተናግረዋል፡፡

ኮንፈረንሱ አለም አቀፍ የእውቀት ሽግግር መረብ ከጅማ ዩኒቨርሲቲ ጋር በመተባበር ያዘጋጁት ሲሆን የትምህርት ሚኒስቴር፣ በውጭ ሀገራት በተለያየ ትምህርት ተቋማት የሚያገለግሉ የውጭ ምሁራንና የኢትዮጵያ ዲያስፖራ እንዲሁም ወልቂጤ ዩኒቨርሲቲን ጨምሮ ጥሪ የተደረገላቸው ከፍተኛ የትምህርት ተቋማት ምሁራን ተሳታፊ ሆነዋል፡፡

ዘገባው የወልቂጤ ዩኒቨርሲቲ የህዝብና አለም አቀፍ ግንኙነት ዳይሬክቶሬት ነው!!

Copyright © 2019. Wolkite University. Designed by Wolkite University ICT

Login Form

Register