• Registration

 ሆስፒታሉ የእናቶችን የማህፀን ውልቃት ቀዶ ጥገና ህክምና ሰሞኑን ሰጥቷል፡፡

የወልቂጤ ዩንቨርሲቲ ስፔሻላይዝድ ሆስፒታል ዋና ስራ አስፈፃሚ ዳይሬክተር ዶ/ር አብድልሰመድ ወርቁ እንደገለፁት የሆስፒታሉ ግንባታ ዓላማው ጥራት ያለው የሰው ሀይል በማፍራት የመማር ማስተማሩን ስራ ስኬታማነት ማረጋገጥ ነው፡፡ ይህም ተማሪዎች በዩንቨርሲቲው ተረጋግተው ትምህርታቸውን እንዲከታተሉና ለተግባር ልምምድ  ራቅ ያሉ ሆስፒታሎች በመሄድ ያወጡት የነበረው ወጪና እንግልት እንደሚቀንስም ጠቁመዋል፡፡

ሆስፒታሉ በአሁኑ ወቅት  በሜዲስን፣በሜዲካል ላበራቶሪ፣ በጤና መኮንን፣ በሚድ ዋይፈሪና በነርሲንግ የትምህርት መስኮች የተግባር ትምህርት እንደሚሰጥ የጠቀሱት ዶ/ር አብድልሰመድ ለቀጣይ ዩኒቨርሲቲው ተጨማሪ የትምህርት መስኮች  ለመክፈት ዝግጅት እያደረገ መሆኑንም ገልፀዋል፡፡

ከመማር ማስተማሩ ስራ ጎን ለጎን የማህበረሰቡን የጤና ችግር ለመቅረፍ በ4 የህክምና ክፍሎች የህክምና አገልግሎት መስጠት መጀመሩን ጠቁመው እነዚህ የውስጥ ደዌ ህክምና፣የህፃናት ህክምናና የማህፀን ፅንስ ህክምና እንዲሁም ቀዶ ጥገና ህክምና መሆናቸውን አስታውቀዋል፡፡

በአሁኑ ወቅት 32 ጠቅላላ ሀኪሞችና 8 ስፔሻሊስቶች ለማህበረሰቡ የህክምና አገልግሎት እየሰጡ ይገኛሉ ብለዋል፡፡ ሆስፒታሉ ሰሞኑን አገልግሎት መስጠት በጀመረበት ወቅት ከውጭ ሀገር በመጣ በጎ ፍቃደኛ የህክምና ባለሙያ ጋር በመተባባር ለ10 እናቶች የተሳካ  የማህፀን ውልቃት ቀዶ ጥገና ህክምና አገልግሎት መስጠቱን ዶክተር አብዱልሰመድ ገልጸዋል፡፡

በሆስፒታሉ ሲገለገሉ አግኝተን ያነጋገርናቸው ተጠቃሚዎችና የአካባቢው ማህበረሰብ  በሰጡት አስተያየት በሆስፒታሉ አገልግሎት መጀመር መደሰታቸውን ገልጸው በአካባቢው ያለውን የጤና አገልግሎት ችግር በማቃለልም የላቀ ሚና እንደሚኖረው ተናግረዋል፡፡

 

Copyright © 2019. Wolkite University. Designed by Wolkite University ICT

Login Form

Register