• Registration

 

የወልቂጤ ዩኒቨርሲቲ የምርምርና ማህበረሰብ አገልግሎት ምክትል ፕሬዚዳንት ዶክተር ሲሳይ ሸዋአማረ ዩኒቨርሲቲው ከተቋቋመ ከ2004 ዓ.ም አንስቶ ለህብረተሰቡ የተለያዩ የማህበረሰብ አገልግሎቶች እያበረከተ እንደሆነ የገለፁ ሲሆን በጉራጌ ዞን በቅርጫት ኳስ፣ በእግር ኳስ እና በመረብ ኳስ እንዲሁም በአትሌቲክስ የስፖርት አይነቶች አራት የታዳጊ ወጣቶች የስፖርት ፕሮጀከቶችን በማቋቋም የስፖርት ልማት ዘርፉን ለማሳደግ የበኩሉን ድርሻ እየተወጣ ይገኛል ብለዋል፡፡

ዶክተር ሲሳይ አክለውም ዩኒቨርሲቲው ስፔን ሀገር ከሚገኘው ‹‹ Catalan Association for Cooperation, Sport, Development and Education /ACCeDE/›› ከተሰኘ መንግስታዊ ከልሆነ ድርጅት ጋር ስምምነት ላይ የደረሱት በእግር ኳስ፣ በቅርጫት ኳስ እና በመረብ ኳስ የስፖርት  ዘርፍ ተስጥኦ ያላቸው ታዳጊ ወጣቶችን ለማሰልጠንና የስፖርት ግብዓት ለማመቻቸት እንደሆነ ገልፀዋል፡፡

ድርጅቱም ከዩኒቨርሲቲው ጋር በመተባበር ለሁለት ዓመታት እድሜያቸው ከ14 እሰከ 16 ድረስ ያሉ ታዳጊ ወጣቶችን በክረምት ለሁለት ወራት ልምድና እውቀት ባላቸው አሰልጣኞች ከማሰልጠንና የስፖርት ግብዓት ድጋፍ ከማድረግ በተጨማሪ ለዩኒቨርሲቲው የስፖርት ሳይንስ መምህራን እና ለሚመለከታቸው ባለድርሻ አካላት ስፔን ሀገር ከሚገኘው ባርሴሎና ዩኒቨርሲቲ ጋር በመነጋገር የመስክ ጉብኝትና አጫጨር ሰልጠናዎች የማመቻቸት ስራ እንደሚሰሩ ጠቁመዋል፡፡

ይህም መንግስታዊ ያልሆነ ድርጅት ከዚህ በፊት ወልቂጤ ከተማ ላይ ለሚገኘው የዩኒቨርሲቲው የታዳጊ የቅርጫት ኳስ ፕሮጀከት የስፖርት ሙሉ ትጥቅ በድጋፍ መልክ ማበርከቱን ለማወቅ ተችሏል፡፡

Copyright © 2020. Wolkite University. Designed by Wolkite University ICT

Login Form

Register