• Registration

 

በውድድሩ መክፈቻ የተገኙት የወልቂጤ ዩኒቨርሲቲ ፕሬዚዳንት ዶክተር ፋሪስ ደሊል የስፖርት ውድድሩ ከመማር ማስተማሩ ጎን ለጎን በተቋሙ ሠራተኞችና ተማሪዎች መካከል መልካም የሆነ ግንኙነት በመፍጠር አብሮ የመኖር ባህልንና ወዳጅነትን ያጠናክራል ብለዋል፡፡

ዶክተር ፋሪስ አክለውም የስፖርት ውድድሩ በቀጣይ ዩኒቨርሲቲውን ወክሎ በሀገር አቀፍ ደረጃ የሚወዳደር አንድ ጠንካራ ቡድን ለማቋቋም እንደሚያግዝ ተናግረዋል፡፡

የውድድሩ አዘጋጅ እና የስፖርትና መዝናኛ ክፍል ሃላፊ አቶ ስራጅ ኑርበገን በበኩላቸው አመታዊ ውድድሩ በተቋሙ መምህራን፣ የአስተዳደር ሠራተኞችና ተማሪዎች መካከል በእግር ኳስ፣ በመረብ ኳስ፣ በእጅ ኳስና በቅርጫት ኳስ የስፖርት ዘርፎች ከየካቲት 28 ጀምሮ እስከ ሚያዚያ 23/2012 ዓ.ም ድረስ የሚካሄድ ነው ብለዋል፡፡

በመክፈቻው እለት በሠራተኞች መካከል በተካሄዱ እግር ኳስ ጨዋታዎች የኮምፒውቲንግና ኢንፎርማቲክስ ኮሌጅ የተፈጥሮና ቀመር ሳይንስ ኮሌጅን 2ለ1 ያሸነፈ ሲሆን የግብርና ተፈጥሮ ሀብት ኮሌጅ ከኢንጂነሪንግና ቴክኖሎጂ ኮሌጅ ያደረጉት ጨዋታ አንድ አቻ በሆነ ውጤት ተለያይተዋል፡፡

በተማሪዎች መካክል በተደረገ ጨዋታ ደግሞ የተፈጥሮና ቀመር ሳይንስ ኮሌጅ የ2012 ዓ.ም አዲስ ተማሪዎችን/ፍሬሽ/ 2ለ1 እንዲሁም ኢንጂነሪንግና ቴክኖሎጂ ኮሌጅ አንድ የቢዝነስና ኢኮኖሚክስ ኮሌጅን 3ለ1 በሆነ ውጤት ያሸነፉ ሲሆን በኢንጂነሪንግና ቴክኖሎጂ ኮሌጅ ሁለት እና በክላስተር ግቢ ተማሪዎች መካከል የተካሄደው ጨዋታ አንድ አቻ በሆነ ውጤት ተጠናቅቋል፡፡ የሠራተኞችና የተማሪዎች አመታዊ የስፖርት ውድድሩ ቀጣይ ጨዋታዎችም በየሳምንቱ ቅዳሜና እሁድ እንደሚደረጉ ከዝግጅት ክፍሉ ለማወቅ ተችሏል፡፡

Copyright © 2020. Wolkite University. Designed by Wolkite University ICT

Login Form

Register