• Registration

 

ይህ በሥሩ የተለያዩ ንኡሳን ኮሚቴዎችን እንዲያቅፍ ተደርጎ የተቋቋመው የግብረ-ኃይሉ አቢይ ኮሚቴ በቀጣይ በሚኖረው የተቀናጀ የሥራ ዕቅድና የአፈጻጸም አቅጣጫ ላይ ተወያየ፡፡

የወልቂጤ ዩኒቨርሲቲ ፕሬዚደንት ዶክተር ፋሪስ ደሊል በአቢይ ኮሚቴው ውይይት ላይ ባደረጉት ንግግር በዩኒቨርሲቲው የተቋቋመው ግብረ-ኃይል ዋነኛው ተልዕኮ በተቋሙ ውስጥና በአካባቢው ማህበረሰብ ዙሪያ ትኩረት በማድረግ ከሚመለከታቸው አካላት ጋር የተቀናጀ አሰራር በመፍጠር በወቅቱ የዓለማችን የጤና ስጋት የሆነውን ኮሮላ ቫይረስን (COVID-19) በመከላከል እንደ አገር የተያዘውን ዕቅድ ማሳካት ነው ብለዋል፡፡

ፕሬዚደንቱ አክለውም እንደ አገር በተቀመጠው የትኩረት አቅጣጫ መሰረት በማድረግ በዩኒቭርሲቲውና በአካባቢው ማህበረሰብ ደረጃ የቫይረሱን ሥርጭት ለመከላከል የተቋቋመው ግብረ-ኃይል በተቋሙ ውስጥ ምክትል ፕሬዚደንቶች፣ አግባብነት ያላቸው የሥራ ሀላፊዎችና የተማሪዎች ህብረትና የሰላም ፎረም አመራር አባላት ያቀፈ መሆኑንና በአካባቢውማህበረሰብ ደረጃ ደግሞ ታዋቂ ሽማግሌዎች፣ የሃይማኖት አባቶች፣ የአመራር አባላትና የተለያዩ የማህበረሰቡ ክፍሎች አሳታፊ በሆነ ሁኔታ የተዋቀረ መሆኑን ገልጸዋል፡፡እንዲሁም የወልቂጤ ዩኒቨርሲቲ የማሰተማሪያ ሆስታል፣ የቡታጅራ ሆስፒታል፣ የዩኒቨርሲቲው የህክምና ሳይንስ ተምህርት ቤት፣ የተማሪዎች ክሊኒክና የጉራጌ ዞን ጤና መምሪያ  በዋናነት የግብረ-ኃይሉ የቴክኒክ ኮሚቴ አባላት ሆነው ሌሎችም አግባብነት ያላቸው አካላት አሳትፈው ለመንቀሳቀስ በሚችሉበት አግባብ የተዋቀሩ መሆኑን አመልክተዋል፡፡

ስለሆነም ማህበረሰቡን በተለያየ መልኩ በሚሰራጩት ተጨባጭነት በሌላቸው ወሬዎች እንዳይሸበር   ከቴክኒክ ኮሚቴው የሚሰጡትን የተጣሩ መረጃዎች  የመገናኛ ብዙሀንና  ሌሎች መልካም አጋጣሚዎች ሁሉ ተጠቅሞ በተከታታይ ለህብረተሰቡ ተደራሽ በማድረግ ቫይረሱን በመከላከሉ እንቅስቃሴ ውስጥ ሙሉ ተሳታፊ እንዲሆን  ማድረግ አማራጭ የሌለው የግብረ-ኃይሉ ተግባር መሆኑን  በውይይቱ ላይ ተመልክቷል፡፡

እስካሁን በተደረገው አንቅስቃሴ ከተቋሙ ተማሪዎች ቁጥር  በላይ ብዛት ያላቸው ጓንቶችና ማስኮች፣ ሳሙና፣አልኮል የመሳሰሉትን የመከላከያ ቁሳቁስና የተለያዩ መድሀኒቶች ግዢ የተፈጸመ ሲሆን ሌሎችም አስፈላጊ የሆኑ ነገሮችን ግዢ ለመፈጸም ኮሚቴ ተቋቁሞ በመንቀሳቀስ ላይ እንደሚገኝ ተገልጾአል፡፡ የተቋሙ ተማሪዎችንና መላው ማህበረሰብ ግንዛቤ ለመፍጠርም የተለያዩ ጽሁፎችና ባነሮችን በተመረጡ ቦታዎች በመለጠፍ የመረጃ ስርጭት ሥራዎች ተጀምረዋል፡፡

በሌላም በኩል እስከ ወረዳ ደረጃ የሚገኙት የጤና ባለሙያዎች በማህበረሰቡ ዘንድ ታማኝነት ያላቸው እንደመሆኑ መጠን ጥክክለኛ መረጃ እንዲኖራቸው ለማስቻል  የወልቂጤ ዩኒቨርሲቲ የማስተማሪያ ሆስፒታል ከቡታጅራ ሆስፒታል ጋር በተቀነጀ ሁነታ ልዩ የሆነ ሥልጠና ለመስጠት መዘጋጀቱን ተገልጾአል፡፡    

Copyright © 2020. Wolkite University. Designed by Wolkite University ICT

Login Form

Register