• Registration

የዩኒቨርሲቲው አመራር አካላት የሳይንስና የከፍተኛ ትምርት ሚኒስቴር ባስቀመጠው አቅጣጫ መሰረት ተማሪዎችን ተቀብሎ ትምህርታቸውን አስተማማኝ በሆነ ሁኔታ ለማስቀጠል ያዘጋጀውን ዝርዝር ዕቅድ አተገባበር እየገመገመና ለተማሪዎች መሰረታዊ አገልግሎት መስጫ ማዕከላትን በአካል ጉብኝት ተከታትሎ እየመራው ነው፡፡

ኮቪድ-19ን በተመለከተ ለዩኒቨርሲቲው ማህበረሰብ ተገቢውን ግንዛቤ ለመፍጠር የሚያስችሉ የኮሙኒኬሽን ስራዎችም በማከናወን ላይ ነው፡፡ በዚህም መሰረት ከተማሪዎች አገልግሎት አሰጣጥ ጋር በተያያዘ ቀጥተኛ ግንኙነት ባላቸው የስራ ክፍሎች የሚገኙ ሰራተኞችን ከኮቪድ-19 ነፃ የሆነ አገልግሎት ለመስጠት የሚያስችላቸውን ስልጠና የተሰጣቸው ሲሆን ከኮቪድ-19 ነፃ መሆናቸውን በምርመራ ለማረጋገጥ ናሙና በምርመራ ሂደት ይገኛል፡፡

እንዲሁም የተቋረጠውን የመማር ማስተማር ስራ ሰላማዊ በሆነ ሁኔታ በማስቀጠል ረገድ ከግቢው ውጪ የሚገኙት የአካባቢው ማህበረሰብ አባላት ለማሳተፍ እንዲቻል ከሀይማኖት አባቶች፣ከአገር ሽማግሌዎችና በየደረጃው ከሚገኙት የመንግስት አመራር አካላት ጋር ለሁለተኛ ጊዜ ዉይይት የተካሄደ ሲሆን ከሁሉም ባለድርሻ አካላት የተውጣጣ የሰላማዊ መማር-ማስተማር ግብረ-ሀይል ጋር ቀጣይነት ያለው የኮሙኒኬሽን ስራ ለማከናወን የሚያስችል ዝግጅትም ተደርጓል፡፡

ዩኒቨርሲቲው ኮቪድ-19ን ለመከላከል ግንዛቤ የሚፈጥሩ የተለያዩ መልዕክቶችን ቀጣይነት ባለው መልኩ ተደራሽ ለማድረግ የዩኒቨርሲቲው ድህረ-ገፅ እና ፌስቡክ ገፅ አገልግሎት በማሻሻል ጠንክረው የሚሰሩበት አቅጣጫም ተቀምጧል፡፡

ከማህበራዊ ሚዲያው ዘርፍ በተጨማሪም በተማሪዎች ምግብ ቤቶች፣በቤተ መፅሐፍት፣በላውንቾች እና በተመረጡ ቦታዎች በማስታወቂያ ሊፍሎቶች፣በባነርና በስቲከር አዘጋጅቶ በመለጠፍ የተለያዩ መልዕክቶችን ተደራሽ ለማድረግ እየተሰራ ነው፡፡ በብሮሸርና በፖስተር አማካይነት ግንዛቤ ለማዳበር የሚያስችሉ ዝግጅቶችም እየተከናወኑ ነው፡፡

ወልቂጤ ዩኒቨርሲቲ የመማር ማስተማሩን ስራ ሰላማዊ በሆነ መልኩ አስጀምሮ ለማስቀጠል በአሁኑ ወቅት የሚያከናዉናቸውን በርካታ ስራዎች አጠናክሮ የሚቀጥል ሲሆን በዩኒቨርሲቲው አስተዳደር ቦርድና በሳይንስና ከፍተኛ ትምህርት ሚኒስቴር ቅድመ ዝግቱና አፈፃፀሙን የደረሰበት ደረጃ ተገምግሞ ለዝግጁነቱ ዕውቅና ሲሰጥ የተማሪዎቹን የመግቢያ ጊዜ በሴኔት ተወስኖ ጥሪ የሚተላለፍላቸው መሆኑን ዩኒቨርሲቲው አስታዉቋል፡፡

ኮቪድ-19ን በመከላከል የራሳችንንና የወገኖቻችንን ህይወት እጠብቅ!!

Copyright © 2020. Wolkite University. Designed by Wolkite University ICT

Login Form

Register