• Registration

 

ዶክተር ሙከረም ኽሊል ከእናታቸው ከወ/ሮ ዘሩ ኮሬ እና ከአባታቸው አቶ ኽሊል አቢብ በ01/05/1978 ዓ.ም በጉራጌ ዞን ጉመር ወረዳ ደንበር ቀበሌ ተወለዱ፡፡ የመጀመሪያ ደረጃ ትምህርታቸውን በጉራጌ ዞን ጉመር ወረዳ ደንበር ቀበሌ የ2ኛ ደረጃ ትምህርታቸውን አረቅጥ ቀበሌ በሚገኝው ትምህርት ቤት ተከታትለው ነበር፡፡

ዶክተር ሙከረም የመጀመሪያ ድግሪያቸውን በጎንደር ዩኒቨርሲቲ በአፕላይድ ፊዚክስ የተመረቁ ሲሆን የሁለተኛ ድግሪያቸውን ደግሞ በመቀሌ ዩኒቨርሲቲ ፊዚክስ ትምህርት መስክ አግኝተዋል፡፡

ዶክተር ሙከረም ከሚያዝያ ወር 2003 ዓ.ም ጀምሮ የወልቂጤ ዩኒቨርሲቲ በተፈጥሮ እና ቀመር ሳይንስ ኮሌጅ የፊዚክስ ትምህርት ክፍል መምህር ሆነው የተቀጠሩ ሲሆን የመጀመሪያው የተፈጥሮ እና ቀመር ሳይንስ ኮሌጅ ዲን ነበሩ፡፡ ዶክተር ሙከረም ዶክትሬታቸውን 2006 መጀመሪያ ዩኒቨርሲቲው በፈቀደላቸው የትምህርት እድል መሰረት በሃገረ ቻይና ዩኒቨርሲቲ በማጠናቀቅ ወደ ወልቂጤ ዩኒቨርሲቲ ተመልሰው ካገለገሉ በኋላ ወደ ቻይና በማቅናት ፖስት ዶክትሬታቸውን በማጠናቀቅ ላይ ሳሉ ባጋጠማቸው ድንገተኛ ህመም በሀገረ ቻይና ሆስፒታል በህክምና ሲረዱ ቆይተው በ 15/07/2013 ዓ/ም ከቀኑ 9፡00 አካባቢ  ከዚህ አለም በሞት ተለይተዋል፡፡  ዶክተር ሙከረም ባለትዳር ነበሩ፡፡ 

ዩኒቨርሲቲያችን በዶክተር ሙከረም ኽሊል ድንገተኛ ህልፈተ ህይወት የተሰማውን ሃዘን እየገለጸ ለቤተሰቦቻቸው፣ ለወዳጅ ዘመዶቻቸው እና ለስራ ባልደረቦቻቸው ሁሉ መጽናናትን ይመኛል፡፡

Copyright © 2021. Wolkite University. Designed by Wolkite University ICT

Login Form

Register