• Registration

 

የወልቂጤ ዩኒቨርሲቲ ምርምር እና ማህበረሰብ አገልግሎት ምክትል ፕሬዝዳንትነት ዝቅተኛ የትምህርት ደረጃ ፣ የሥራና የአመራርነት ልምድ ያሟሉ ሁለት ተወዳዳሪዎች ስልታዊ እቅዳቸውን ለዩኒቨርሲቲው ማህበረሰብ አቅርበዋል፡፡

በዩኒቨርሲቲው በመምህርነት እና በተለያዩ የሥራ ኃላፊነቶች በማገልገል ላይ የሚገኙት ዶ/ር የሺሐረግ አፈራ እና ዶ/ር ዮሐንስ ገብሩ የሳይንስ እና ከፍተኛ ትምህርት ሚኒስቴር ያወጣውን ዝቅተኛ የውድድሩን መስፈርት አሟልተው መገኘታቸውን የመልማይ እና አስመራጭ ኮሚቴው ገልጿል። ተወዳዳሪዎች የትምህርት ደረጃ፣ የሥራ እና ኃላፊነት ልምድ ፣ የስልታዊ ዕቅድ ግምገማ እና ቃለመጠይቅ ተደርጎላቸው ከ85 በመቶ ውጤት የተሰጣቸው ሲሆን የተቀረው 15 በመቶ የሴኔት አባላት ውጤት ለመስጠት እንዲያስችላቸው ስልታዊ እቅድ ለተቋሙ ሴኔት እና ካውንስል አባላት ያቀረቡ ሲሆን ከተሳታፊዎች የተለያዩ ጥያቄዎች ተጠይቀው ምላሽ ሰጥተውባቸዋል፡፡

በዚህም ባቀረቡት እቅድና የጥያቄ ምላሽ መሠረት በማድረግ በሴኔት አባላቱ ውጤት ተሰጥቷቸዋል። የውጤት አሰጣጡ ከተጠናቀቀ በኋላ የመልማይና አስመራጭ ኮሚቴው አጠቃላይ ድምር ውጤቱን ያሳወቀ ሲሆን።

1ኛ. ዶ/ር ዮሐንስ ገብሩ 69.27 ከመቶ

2ኛ. ዶ/ር የሺሐረግ አፈራ 52.9 ከመቶ ውጤት አግኝተዋል።

በዕለቱም የዩኒቨርስቲው የቦርድ፣ የሴኔት እና የካውንስል አባላት እንዲሁም መምህራን እና የአስተዳደር ሠራተኞች የተሳተፉ ሲሆን የውድድሩ አጠቃላይ ሂደት ከተጠናቀቀ በኋላ ተወዳዳሪዎች ያገኙት አጠቃላይ ውጤት በዩኒቨርሲቲው ፕሬዝዳንት አማካኝነት ለዩኒቨርሲቲው ሥራ አመራር ቦርድ ቀርቦ መመሪያውን መሠረት በማድረግ በሥራ አመራር ቦርዱ የተመረጠው አካል ለተቋሙ ማህበረሰብ ይፋ እንደሚደረግ የመልማይና አስመራጭ ኮሚቴው አሳውቋል።

Copyright © 2021. Wolkite University. Designed by Wolkite University ICT

Login Form

Register