• Registration

 

በዛሬው ዕለት በዩኒቨርሲቲው አቅራቢያ በሚገኝ የጤፍ ድህረ ምርት አሰባሰብ ላይ የወልቂጤ ዩኒቨርሲቲ የማኔጅመንት ካውንስል አባላት ፣መምህራን፣ የአስተዳደር ሰራተኞች እና የዩኒቨርሲቲው ተማሪዎች ለአቅመ ደካማ አርሶ አደሮችና ቤተሰቦቻቸው ግንባር ለዘመቱባቸው የአርሶአደር ቤተሰቦች የድህረ ምርት አሰባሰብ ዘመቻ ላይ በመሳተፍ ለአርሶ አደሮቹ ያላቸውን አጋርነት በተግባር ገልጸዋል ::

በዘመቻው ላይ ከተሳተፉት መካከል አንዱ የሆኑት የወልቂጤ ዩኒቨርሲቲ ፕሬዝዳንት ዶክተር ፋሪስ ደሊል በሰጡት አስተያየት በድህረ ምርት ዘመቻው ላይ በመሳተፋቸውና ለአርሶአደሮቹ አጋርነታቸውን መግለጻቸው እንዳስደሰታቸው ገልጸው ምንም እንኳን ሀገራችን ኢትዮጵያ አሸባሪው ህወሐትና ተላላኪው ሸኔ በፈጸሙት የተቀናጀ ወረራን ለማክሸፍ የተጠናከረ ዘመቻ ከፍታ በመፋለም ላይ ብትገኝም ከጦርነቱ ጎን ለጎን ለግብርናው ስራ ምን ያህል ትኩረት ተሰጥቶ እንደሀገር እየተሰራ እንዳለ ይህ ዘመቻ ዋነኛ ማሳያ መሆኑን ገልጸዋል:: ተመሳሳይ የሆኑ ተግባራትም ተጠናክረው እንደሚቀጥሉም ጨምረው ገልጸዋል::

ድጋፍ የተደረገላቸው የአርሶአደር ቤተሰቦች በበኩላቸው በሰጡት አስተያየት ዩኒቨርሲቲው ባደረገላቸው ድጋፍ በእጅጉ መደሰታቸውን ገልጸዋል::

Copyright © 2022. Wolkite University. Designed by Wolkite University ICT

Login Form

Register