• Registration

በኢ.ፌ.ዴ.ሪ የባህልና ቱሪዝም ሚኒስቴር የባህል ኢንዱስትሪ ልማት ዳይሬክቶሬት ዳይሬክተር አቶ ተፈሪ ተክሉ በሚኒስቴር መስሪያ ቤቱ ሁለት የባህልና የፊልም ፖሊሲዎች እንዳሉ የገለፁ ሲሆን ፖሊሲዎቹን ለማስፈፀም የሚያስችል የእስትራቴጂ ሰነድ ለማዘጋጀት የወልቂጤ ዩኒቨርሲቲ የቴአትር ጥባበት ትምህርት ክፍል ከሚኒስቴር መስሪያ ቤታቸው ጋር በመተባበር ሀገራዊ ኮንፈረንሱ እንዳዘጋጁ ተናግረዋል፡፡

ይህ የባህልና ፊልም ፖሊሲ ማስፈፀሚያ ሰነድ ዝግጀት ለዘርፉ የአሰራር ስራዓት የሚበጁ የህግ ማዕቀፎችን ለማዘጋጀት እንደሚጠቅም ዳይሬክተሩ በመግለፅ የሰነድ ዝግጅቱ በቀጣይ ዳብሮና በየደረጃው ባለ የአመራር አካለት ተፈትሾና ፀድቆ ተግባራዊ የሚደረግ መሆኑን ጠቁመዋል፡፡

አቶ ተፈሪ አክለውም የትምህርትና ስልጠና ማዕከላት በሀገሪቱ ያሉ ችግሮችን ለመቅረፍ ግንባር ቀደም ሚና እንደላቸው የገለፁ ሲሆን የባህልና ቱሪዝም ሚኒስቴር በባህልና ፊልም ዘርፉ ላይ ለውጥ ለማምጣት ከከፍተኛ የትምህርት ተቋማት ጋር በመቀናጀት እንደሚሰራ ተናግረዋል፡፡

በኮንፈረንሱ የኢትዮጵያ ፊልም ሙያ ፣ የኦዲዮ-ቪዥዋል አሰልጣኞች ፣ የደራሲያን፣  የሰዓሊያንና ቀራፂያን ማህበሮች እንዲሁም ከአዲስ አበባ ዩኒቨርሲቲ የስነ-ጥበብና ዲዛይን ት/ቤት እና ሌሎችም በዘርፉ ሙያና ልምድ ያካበቱ ባለሙያዎች በመሳተፍ ላይ ናቸው፡፡

ኮንፈረንሱም ከዛሬ ጀምሮ ለአራት ተከታታይ ቀናት የሚቀጥል ይሆናል፡፡

Copyright © 2020. Wolkite University. Designed by Wolkite University ICT

Login Form

Register